तिरुवनंतपुरममध्ये काल झालेल्या पहिल्या एकदिवसीय क्रिकेट सामन्यात भारतानं वेस्ट इंडिजवर आठ गडी राखून दणदणीत विजय मिळवला. वेस्ट इंडिजचं 296 धावांचं लक्ष्य गाठताना भारताने 41 षटकं आणि 4 चेंडूत दोन गडी गमावून 300 धावा केल्या आणि तीन सामन्यांच्या एकदिवसीय मालिकेत 1-0 अशी आघाडी घेतली.
https://x.com/BCCI/status/2104229962882638160/video/1
पहिल्या एकदिवसीय सामन्यात विराट कोहलीचे शानदार शतक आणि शुभमन गिलच्या प्रभावी शतकाच्या जोरावर भारताने वेस्ट इंडिजवर आठ गडी राखून दणदणीत विजय मिळवला.
कोहली १३९ धावांवर नाबाद राहिला, तर ऋतुराज गायकवाड १३ धावांवर नाबाद राहिला. २९६ धावांच्या आव्हानाचा पाठलाग करताना भारताने ४१.४ षटकांत २ बाद ३०० धावा केल्या आणि तीन सामन्यांच्या एकदिवसीय मालिकेत १-० अशी आघाडी घेतली.
भारताच्या या यशस्वी पाठलागात कोहलीची खेळी निर्णायक ठरली; सुरुवातीला स्थिरावल्यानंतर त्याने आक्रमक फलंदाजी केली. एकदिवसीय क्रिकेटमधील कोहलीचे हे ५५ वे शतक होते. या खेळीदरम्यान १५,००० एकदिवसीय धावांचा टप्पा गाठणारा तो सचिन तेंडुलकरनंतरचा दुसरा फलंदाज ठरला.
कर्णधार गिलनेही पाठलागात महत्त्वाची भूमिका बजावली आणि ११० धावा केल्या. तत्पूर्वी, वेस्ट इंडिजने निर्धारित ५० षटकांत ७ बाद २९५ धावा केल्या; ज्यात जस्टिन ग्रीव्हजने सर्वाधिक १०१ धावा केल्या, तर जॉन कॅम्पबेलने ६२ धावांचे योगदान दिले.
भारताकडून कुलदीप यादवने चार बळी घेतले, तर प्रसिद्ध कृष्णाने दोन बळी मिळवले. नितीश कुमार रेड्डीने एक बळी घेतला. कुलदीप यादवला ‘सामनावीर’ म्हणून घोषित करण्यात आले.
विराट कोहलीच्या शानदार शतकामुळे तो एकदिवसीय सामन्यात 15 हजार धावा पूर्ण करणारा, सचिन तेंडुलकरनंतर दुसरा फलंदाज ठरला आहे. 139 धावांवर नाबाद राहिलेल्या कोहलीचं हे एकदिवसीय क्रिकेटमधलं 55 वं शतक होतं. कर्णधार शुभमन गिलनेही 110 धावा करून या यशात महत्त्वाची भूमिका बजावली. तत्पूर्वी, वेस्ट इंडिजनं 50 षटकांत 7 गडी गमावून 295 धावा केल्या होत्या. 4 गडी बाद करणारा कुलदीप यादव सामनावीर ठरला
