नवी दिल्ली : भारताचे माजी पंतप्रधान डॉ. मनमोहन सिंग (Dr. Manmohan Singh) यांचे गुरुवारी रात्री दिल्लीच्या एम्स रुग्णालयात 92 व्या वर्षी निधन झाले. त्यामुळे आज (२७ डिसेंबर) आयोजित केलेले सर्व शासकीय कार्यक्रम रद्द करण्यात आले आहेत. संपूर्ण देशात हळहळ व्यक्त करण्यात येत असून, त्यांच्या निधनानंतर 7 दिवसांचा राष्ट्रीय शोक जाहीर करण्यात आला आहे. मनमोहन सिंग यांच्यावर शासकीय इतमामात अंत्यसंस्कार केले जाणार आहेत.
पंतप्रधान नरेंद्र मोदी यांनी दिवंगत पंतप्रधान मनमोहन सिंग यांचे अंत्यदर्शन घेऊन श्रद्धांजली वाहिली आणि त्यांच्या कुटुंबियांबद्दल शोक व्यक्त केला
डॉ. मनमोहन सिंग हे 2004 ते 2014 या कालावधीत भारताचे पंतप्रधान होते. त्यांच्या नेतृत्वाखाली भारताने अर्थव्यवस्थेच्या क्षेत्रात व्यापक सुधारणा पाहिल्या, ज्यामुळे त्यांना ‘अर्थव्यवस्थेचा सरदार’ म्हणून ओळखले जाते. त्यांच्या कार्यकाळात झालेल्या उदारीकरणाच्या धोरणांनी भारताची आंतरराष्ट्रीय पातळीवर अर्थिक प्रतिमा बदलली.
त्यांच्या निधनाची बातमी समोर येताच, राजकीय व सामाजिक क्षेत्रातील अनेक दिग्गजांनी त्यांना श्रद्धांजली वाहिली. पंतप्रधान नरेंद्र मोदी यांनी त्यांच्या योगदानाचे कौतुक करताना त्यांच्या निधनाची खबर दिली आणि त्यांच्या कुटुंबीयांप्रती संवेदना व्यक्त केल्या. देशभरात आणि परदेशात त्यांच्या कार्याचे कौतुक करणारे अनेकजण त्यांना श्रद्धांजली वाहण्यासाठी एकत्र येतील.
