राहुल नार्वेकर पुन्हा विधानसभा अध्यक्षपदी; जाणून घ्या विधानसभेच्या इतिहासातील आत्तापर्यंतचे अध्यक्ष

मुंबई : महाराष्ट्र विधानसभेच्या (Maharashtra Legislative Assembly) अध्यक्षपदी भाजपचे नेते आणि आमदार राहुल नार्वेकर (Rahul Narwekar) यांची पुन्हा एकदा एकमताने निवड झाली आहे. मुख्यमंत्री देवेंद्र फडणवीस यांनी राहुल नार्वेकर यांच्या विधानसभा अध्यक्षपदासाठी प्रस्ताव सादर केला. त्यानंतर उपमुख्यमंत्री एकनाथ शिंदे, अजित पवार तसेच चंद्रकांत पाटील यांनी या प्रस्तावाला अनुमोदन दिले. हंगामी अध्यक्ष कालिदास कोळंबकर यांनी राहुल नार्वेकर यांची विधानसभा अध्यक्ष म्हणून निवड झाल्याची घोषणा केली. यानंतर राहुल नार्वेकर यांची बिनविरोध विधानसभा अध्यक्ष म्हणून निवड झाली. निवडीनंतर देवेंद्र फडणवीस, एकनाथ शिंदे, अजित पवार, चंद्रशेखर बावनकुळे आणि नाना पटोले यांच्या उपस्थितीत राहुल नार्वेकर यांनी अध्यक्षपदाचा पदभार स्वीकारला.

महाराष्ट्राच्या राजकीय इतिहासात, विधानसभेचे अध्यक्षपद हे अत्यंत महत्त्वाचे आणि प्रतिष्ठित मानले जाते. विधानसभेच्या कामकाजात सुव्यवस्था राखणे आणि सभागृहाचे नियमन करणे हे या पदाचे प्रमुख कार्य असते. आजपर्यंत महाराष्ट्र विधानसभेने अनेक नामवंत व्यक्तींना हे पद भूषविले आहे. बाळासाहेब भारदे यांच्यानंतर विधानसभेच्या अध्यक्षपदी सलग दुसऱ्यांदा शपथ घेणारे महाराष्ट्रातील दुसरे अध्यक्ष म्हणून त्यांची नोंद केली जाणार आहे.

विधानसभेच्या आतापर्यंतच्या अध्यक्षांची यादी पाहूया :