मुंबई : मुंबई महानगरपालिका निवडणुकीच्या (BMC Election 2026) रणधुमाळीने आता निर्णायक वळण घेतले आहे. उमेदवारी अर्ज भरण्यासाठी अवघे काही तास शिल्लक असताना, भारतीय जनता पक्षाने ‘अॅक्शन मोड’मध्ये येत आपल्या पहिल्या ६६ उमेदवारांची यादी जाहीर केली आहे. रविवारी मध्यरात्रीपासूनच दादर येथील भाजपचे मुख्यालय ‘वसंत स्मृती’ येथे उमेदवारांना ‘AB’ फॉर्म वाटप करण्यास सुरुवात झाली, ज्यामुळे राजकीय वर्तुळात मोठी खळबळ उडाली आहे.
भाजपने यावेळेस कमालीची गोपनीयता पाळली आहे. ज्या जागांवर शिवसेना (शिंदे गट) आणि भाजपमध्ये एकमत झाले आहे, अशा प्रभागांमधील उमेदवारांना मध्यरात्री १ वाजेपासून फोन करून कार्यालयात बोलावण्यात आले. पहाटेपर्यंत चाललेल्या या प्रक्रियेत ६६ उमेदवारांच्या हातात पक्षाचे अधिकृत एबी फॉर्म सुपूर्द करण्यात आले. बंडखोरी टाळण्यासाठी भाजपने अधिकृतरीत्या यादी प्रसिद्ध करण्याऐवजी उमेदवारांना थेट फॉर्म देण्याची रणनीती अवलंबली आहे.
पहा ६६ उमेदवारांची संपूर्ण यादी
| वॉर्ड क्रमांक | वॉर्डचे नाव | नाव |
|---|---|---|
| 2 | गोंदेवी – दहिसर (पूर्व) | तेजस्वी घोसाळकर |
| 7 | मंडपेश्वर | गणेश खणकर |
| 10 | दौलत नगर | जितेंद्र पटेल |
| 13 | राजेंद्र नगर | राणी त्रिवेदी |
| 14 | बोरीवली TPS III – कोरा केंद्र | सीमा शिंदे |
| 15 | एस्कर – योगी नगर | जिग्ना शाह |
| 16 | चिकुवाडी – कांती पार्क – एमएचबी कॉलनी | श्वेता कोरगावकर |
| 17 | चारकोप (उत्तर) | शिल्पा सांगोरे |
| 19 | चारकोप इंडस्ट्रियल इस्टेट | दक्षता कवठणकर |
| 20 | महावीर नगर – धनुकरवाडी | बाळा तावडे |
| 23 | पोईन्सूर (पूर्व) – राजाराम नगर – अशोक नगर | शिवकुमार झा |
| 24 | समता नगर – दत्तानी पार्क | स्वाती जैस्वाल |
| 31 | आदर्श दुग्धालय – एव्हरशाईन नगर | मनिषा यादव |
| 36 | मालाड हिल रिझर्व्हॉयर | सिद्धार्थ शर्मा |
| 37 | म्युनिसिपल कॉलनी मालाड (पूर्व) | प्रतिभा शिंदे |
| 43 | न्यू कलेक्टर कॉलनी | विनोद मिश्रा |
| 46 | दिंडोशी – पांडुरंगवाडी | योगिता कोळी |
| 47 | आरे कॉलनी (पूर्व) | तेजिंदर सिंह तिवाना |
| 52 | सिद्धार्थ नगर – जवाहर नगर | प्रीती साटम |
| 57 | आदर्श नगर – अंबोली हिल | श्रीकला पिल्ले |
| 58 | सहाजी राजे क्रीडा संकुल – मालकॉम बाग | संदीप पटेल |
| 59 | सेवन बंगले – वर्सोवा (दक्षिण) | योगिता दाभाडकर |
| 60 | मनीष नगर – भवन्स कॉलेज | सयाली कुलकर्णी |
| 63 | भक्ती वेदांत मंदिर – कूपर हॉस्पिटल | रुपेश सावरकर |
| 68 | शिवनेरी वसाहत – मेघवाडी | रोहन राठोड |
| 69 | शंकरवाडी – पारशी पंचायत | सुधा सिंह |
| 70 | स्क्वॅटर्स कॉलनी – तोलानी कॉलेज | अनिश मकवानी |
| 72 | गुंदावली (पूर्व) – ईएसआयएस हॉस्पिटल | ममता यादव |
| 74 | विजय नगर – भवानी नगर | उज्ज्वला मोडक |
| 76 | चकाला – सहार विमानतळ | प्रकाश मुसळे |
| 84 | कालिना गाव – सांताक्रूझ कॅन्टोन्मेंट | अंजली सामंत |
| 85 | भारत नगर (पूर्व) | मिलिंद शिंदे |
| 87 | डाऊरी कॉलनी – खार रायफल रेंज | महेश पारकर |
| 97 | लीलावती हॉस्पिटल – बांद्रा बस टर्मिनस | हेतल गाला |
| 99 | मुलुंड चेक नाका – ईएसआयएस हॉस्पिटल | जितेंद्र राऊत |
| 100 | टोपिवाला कॉलेज – गावणपाडा – म्हाडा | स्वप्ना म्हात्रे |
| 103 | जॉन्सन & जॉन्सन – सर्वोदय नगर – नाहूर | हेतल गाला मार्वेकर |
| 104 | मिलिंद नगर – गावदेवी हिल्स | प्रकाश गंगाधरे |
| 105 | भांडुप गाव | अनिता वैती |
| 106 | गावदेवी (भांडुप) | प्रभाकर शिंदे |
| 107 | नर्दास नगर | नील सोमय्या |
| 108 | कोकण नगर – भट्टीपाडा | दिपिका घाग |
| 111 | कांजूर गाव | सारिका पवार |
| 116 | विहार लेक – पवई लेक – पवसपाडा | जागृती पाटील |
| 122 | भाटवाडी – भारवे नगर | चंदन शर्मा |
| 126 | रामाबाई नगर | अर्चना भालेराव |
| 127 | गरोडिया नगर – सोमय्या कॉलेज | अलका भगत |
| 129 | लोटस कॉलनी – रफीक नगर | अश्विनी मते |
| 135 | चित्ता कॅम्प | नवनाथ बन |
| 144 | सिद्धार्थ कॉलनी – बसंत पार्क गोल्फ क्लब | बबलू पांचाळ |
| 152 | मोहिली गाव | आशा मराठे |
| 154 | कामिनी इंडस्ट्रीज – साकी नाका | महादेव शिगवण |
| 172 | कोरबा मिठागर – वडाळा सॉल्ट पॅन | राजश्री शिरोडकर |
| 174 | हिंदू कॉलनी – पारशी कॉलनी | साक्षी कनोजिया |
| 185 | रवींद्र नाट्यमंदिर – शिवाजी पार्क | रवी राजा |
| 190 | वरळी बीडीडी चाळ | शितल गंभीर देसाई |
| 195 | रणजित स्टुडिओ – नायगाव बीडीडी चाळ | राजेश कांगणे |
| 196 | नायगाव पोलीस परेड ग्राउंड – बीपीटी हॉस्पिटल | सोनाली सावंत |
| 207 | अंजीरवाडी – डॉकयार्ड – माझगाव | रोहिदास लोखंडे |
| 214 | कमला नेहरू पार्क – राजभवन | अजय पाटील |
| 215 | प्रार्थना समाज – ओपेरा हाऊस | संतोष ढोले |
| 218 | चंदनवाडी – चिराबाजार – जिमखाना | स्नेहल तेंडुलकर |
| 219 | मुंबादेवी – मुलजी जेठा मार्केट – धोबी तलाव | सन्नी सानप |
| 221 | इमामवाडा – डोंगरी | आकाश पुरोहित |
| 226 | ससून डॉक – वर्ल्ड ट्रेड सेंटर – गीता नगर | मकरंद नार्वेकर |
| 227 | आर.सी. चर्च – कोलाबा दांडी – नेव्ही नगर | हर्षिता नार्वेकर |
अनुभवी आणि नव्या चेहऱ्यांचा संगम
या पहिल्या यादीत प्रामुख्याने माजी नगरसेवकांसह काही नव्या दमाच्या युवा चेहऱ्यांना संधी देण्यात आली आहे. ‘मेरीट’ आणि निवडून येण्याची क्षमता (Elective Merit) हाच एकमेव निकष लावून भाजपने ही यादी तयार केली आहे. महायुतीमध्ये काही जागांवरून अद्याप तिढा असला, तरी भाजपच्या बालेकिल्ल्यांमध्ये पक्षाने वेळ न घालवता उमेदवारांना मैदानात उतरवले आहे.
काय आहे भाजपचे ‘मिशन १५०’?
पंतप्रधान नरेंद्र मोदींच्या विकासाची गती आणि मुख्यमंत्री देवेंद्र फडणवीस यांचे सूक्ष्म नियोजन या जोरावर भाजपने यावेळी ‘मिशन १५०’ चे लक्ष्य ठेवले आहे. प्रस्थापित नेत्यांच्या जोडीला तरुण, सुशिक्षित आणि आक्रमक चेहऱ्यांना संधी देऊन “नव्या मुंबईचा नवा चेहरा” समोर आणण्याचा भाजपचा प्रयत्न आहे. मुंबईवर आपली एकहाती पकड मजबूत करण्यासाठी भाजपने ही पहिली ६६ उमेदवारांची यादी महत्त्वाची मानली जात आहे.
