मुंबई : मुंबई महानगरपालिकेच्या (BMC) सत्तेसाठी अखेर ‘ठाकरे बंधू’ एकत्र आले आहेत. उद्धव ठाकरे यांची शिवसेना (UBT) आणि राज ठाकरे यांची महाराष्ट्र नवनिर्माण सेना (MNS) यांनी ऐतिहासिक युतीची घोषणा केल्यानंतर आता प्रत्यक्ष मैदानात उतरण्याची तयारी सुरू झाली आहे. बंडखोरी टाळण्यासाठी आणि राजकीय समीकरणे गोपनीय ठेवण्यासाठी दोन्ही नेत्यांनी उमेदवारांना थेट ‘एबी फॉर्म’ (AB Form) देण्याचा निर्णय घेतला आहे.
बंडखोरी रोखण्यासाठी ‘डायरेक्ट’ फिल्डिंग
एका जागेसाठी अनेक इच्छुक असल्याने अधिकृत यादी जाहीर केल्यास पक्षात धुसफूस होण्याची शक्यता असते. हीच शक्यता ओळखून राज ठाकरे आणि उद्धव ठाकरे यांनी प्रबळ उमेदवारांना वैयक्तिकरित्या बोलावून उमेदवारीची पत्रे सोपवली आहेत. मनसेकडून आतापर्यंत १५ उमेदवारांना एबी फॉर्म देण्यात आले असून, यामध्ये जुन्या निष्ठावंतांसह नव्या चेहऱ्यांचाही समावेश आहे.
शिवसेना UBT कडूनही फॉर्म वाटप सुरू
दुसरीकडे, शिवसेना (UBT) प्रमुख उद्धव ठाकरे यांनीही आपल्या शिलेदारांना कामाला लागण्याचे आदेश दिले आहेत. महायुतीला रोखण्यासाठी मुंबईच्या गल्लीबोळात शिवसेना आणि मनसेचे कार्यकर्ते आता ‘एकत्र’ प्रचार करताना दिसणार आहेत.
मनसेच्या १५ संभाव्य उमेदवारांची यादी (पहिली यादी)
| अनु. | वॉर्ड क्रमांक | उमेदवाराचे नाव |
|---|---|---|
| १ | वॉर्ड १९२ | यशवंत किल्लेदार |
| २ | वॉर्ड १८३ | पारूबाई कटके |
| ३ | वॉर्ड ८४ | रूपाली दळवी |
| ४ | वॉर्ड १०६ | सत्यवान दळवी |
| ५ | वॉर्ड ६८ | संदेश देसाई |
| ६ | वॉर्ड २१ | सोनाली देव मिश्रा |
| ७ | वॉर्ड ११ | कविता बागुल माने |
| ८ | वॉर्ड १५० | सविता माऊली थोरवे |
| ९ | वॉर्ड १५२ | सुधांशू दुनबाळे |
| १० | वॉर्ड ८१ | शबनम शेख |
| ११ | वॉर्ड १३३ | भाग्यश्री अविनाश जाधव |
| १२ | वॉर्ड १२९ | विजया गीते |
| १३ | वॉर्ड १८ | सदिच्छा मोरे |
| १४ | वॉर्ड ११० | हरिनाक्षी मोहन चिराथ |
| १५ | वॉर्ड २७ | आशा विष्णू चांदर |
