१५ जानेवारीला मतदान, १६ जानेवारीला मतमोजणी होणार
बृह्नमुंबई महानगरपालिका, पुणे महानगरपालिका यासारख्या एकूण २९ महानगरपालिकांच्या निवडणूका १५ जानेवारी २०२६ या दिवशी पार पडतील. १६ जानेवारीला मतमोजणी होणार आहे. निवडणूकांसाठी अर्ज भरायची तारीख २३ ते ३० डिसेंबर २०२५. अर्ज पडताळणी ३१ डिसेंबर २०२५ या दिवशी आणि अर्ज मागे घेण्याची तारीख २ जानेवारी २०२६ ही असणार आहे.
मुंबई महापालिकेमध्ये एक सदस्यीय वॉर्ड असल्यामुळे मतदारांना एकच मत द्यावं लागणार आहे. तर उर्वरित २८ महापालिकांसाठी एक ते पाच सदस्यीय वॉर्ड असल्याने त्यानुसार मतदान करणे गरजेचे आहे. मतदानाच्या ४८ तास आधी प्रचार थांबवला जाईल. या सर्व काळात निवडणूक निर्णय अधिकारी २७० अधिकारी आणि १,९६,६०५ कर्मचारी काम करतील.
२९ महानगरपालिकामध्ये एकूण जागा – २,८६९, महिला १,४४२, अ.जा – ३४१, अ.जमाती- ७७ इतक्या जागांसाठी मतदान होणार आहे.
| शहर | जागा | शहर | जागा |
| बृहन्मुंबई | 227 | उल्हासनगर | 78 |
| भिवंडी-निजामपूर | 90 | चंद्रपूर | 66 |
| नागपूर | 151 | धुळे | 74 |
| पुणे | 162 | जळगाव | 75 |
| ठाणे | 131 | मालेगाव | 84 |
| अहमदनगर | 68 | कोल्हापूर | 92 |
| नाशिक | 122 | सांगली-मिरज-कुपवाड | 78 |
| पिंपरी-चिंचवड | 128 | सोलापूर | 113 |
| औरंगाबाद | 113 | इचलकरंजी | 76 |
| वसई-विरार | 115 | जालना | 65 |
| कल्याण-डोंबिवली | 122 | पनवेल | 78 |
| नवी मुंबई | 111 | परभणी | 65 |
| अकोला | 80 | लातूर | 70 |
| अमरावती | 87 | नांदेड-वाघाळा | 81 |
| मीरा-भाईंदर | 96 |
