महाराष्ट्र : भारत निवडणूक आयोगाने अधिकृतपणे जाहीर केले आहे की नांदेड लोकसभा पोटनिवडणूक (Nanded Lok Sabha By-Election) 20 नोव्हेंबर 2024 रोजी होणार आहे 23 नोव्हेंबर 2024 रोजी मतमोजणी होऊन निकाल जाहीर होणार आहे. काँग्रेसचे विद्यमान खासदार वसंत चव्हाण यांचे 26 ऑगस्ट 2024 रोजी अकाली निधनानंतर हि जागा रिक्त झाली होती.
महाराष्ट्रातील राजकीय पक्षांसाठी नांदेड लोकसभा मतदारसंघ महत्वाचा आहे. या वर्षाच्या सुरुवातीला ज्येष्ठ राजकारणी अशोक चव्हाण यांनी काँग्रेसमधून भाजपमध्ये प्रवेश केल्याने सांगेल राजकीय समीकरण बदलली आहे. शंकरराव चव्हाण आणि नंतर त्यांचे पुत्र अशोक चव्हाण यांसारख्या प्रभावशाली व्यक्तींशी असलेल्या संबंधांमुळे पारंपारिकपणे काँग्रेसचा बालेकिल्ला म्हणून पाहिल्या जाणाऱ्या प्रदेशात भाजपने आपले अस्तित्व मजबूत करण्याचा प्रयत्न म्हणून हा राजकीय डावपेच टाकला होता.
अशोक चव्हाण भाजप मध्ये येऊनही प्रताप पाटील चिखलीकर यांना पराभवाचे तोंड पाहावे लागले होते. परंतु पुन्हा एकदा हि जागा रिक्त झाल्याने अशोक चव्हाण यांच्या प्रभावाचा फायदा घेण्याचे भाजपचे उद्दिष्ट आहे. अशोक चव्हाण मतदारसंघावर आपली ऐतिहासिक पकड कायम ठेवण्याचा पूर्ण प्रयत्न करणार आहेत. वसंत चव्हाण यांच्या निधनामुळे काँग्रेसबद्दलच्या सहानुभूती मिळेल? हे पाहावं लागणार आहे. वसंत चव्हाण कुटुंबाचा वारसा या मतदारसंघावर आपली नजर ठेवून आहे.
