ठाणे : ठाणे महानगरपालिका निवडणुकीच्या निकालात मुख्यमंत्री एकनाथ शिंदे यांच्या बालेकिल्ल्यात शिवसेनेने (शिंदे सेना) आपले वर्चस्व पुन्हा एकदा सिद्ध केले आहे. ठाण्यातील अत्यंत महत्त्वाच्या मानल्या जाणाऱ्या प्रभाग क्रमांक १९ मध्ये शिंदे सेनेने ‘क्लीन स्वीप’ देत चारही जागांवर दणदणीत विजय मिळवला आहे.
प्रभाग १९ मधील विजयी उमेदवार आणि त्यांना मिळालेली मते:
या प्रभागातून शिवसेनेचे (शिंदे सेना) चारही उमेदवार रिंगणात होते आणि मतदारांनी या सर्वांनाच पसंती दिली आहे. अधिकृत आकडेवारीनुसार विजयी उमेदवारांचे मताधिक्य खालीलप्रमाणे आहे:
विजयी उमेदवार,पक्ष,मिळालेली मते
विकास रेपाळे,शिवसेना (शिंदे) – १७,२३५
नम्रता भोसले,शिवसेना (शिंदे) – १७,२२४
राजेंद्र फाटक,शिवसेना (शिंदे) – १७,०१९
मीनल संख्ये,शिवसेना (शिंदे) – १५,९७९
प्रभाग १९ मध्ये मिळालेला हा विजय शिंदे सेनेसाठी अत्यंत महत्त्वाचा मानला जात आहे. विकास रेपाळे आणि राजेंद्र फाटक यांसारख्या दिग्गज नेत्यांनी आपले वर्चस्व राखले असून, नम्रता भोसले आणि मीनल संख्ये यांनीही मोठ्या मताधिक्याने विजय संपादन केला आहे. विकासकामांच्या जोरावर मतदारांनी पुन्हा एकदा धनुष्यबाणाला साथ दिल्याचे या निकालावरून स्पष्ट होत आहे.
विजयी उमेदवारांची घोषणा होताच मतमोजणी केंद्राबाहेर कार्यकर्त्यांनी एकच जल्लोष केला. भगवे झेंडे, गुलालाची उधळण आणि फटाक्यांच्या अतिषबाजीने परिसर दणाणून गेला होता. “ठाणे आमचेच” अशा घोषणांनी परिसर दणाणून गेला होता.
