भारतीय विद्या भवन आणि इन्फोसिस फाऊंडेशनच्या सांस्कृतिक प्रसार उपक्रमांतर्गत ‘कथक पाठशाला’ आयोजित ‘संत गाथा’ (Sant Gatha) या कार्यक्रमाचे आयोजन करण्यात आले होते. संत काव्यावर आधारित शास्त्रीय नृत्यरचना यावेळी सादर करण्यात आल्या. ‘संत गाथा’ या कार्यक्रमात १६ नृत्य संस्थांनी आपले नृत्य सादरीकरण केले. संत साहित्यावर अतिशय नावीन्यपूर्ण रचना आणि नृत्यप्रकार सर्व कलाकारांनी सादर करून रसिकांची मने जिंकली. पुण्यात भारतीय विद्या भवनचे सरदार महादेव बळवंत नातू सभागृह येथे या कार्यक्रमाचे आयोजन करण्यात आले होते. रसिकांना तो विनामूल्य खुला होता.
भारतीय विद्या भवनचे मानद सचिव प्रा. नंदकुमार काकिर्डे, डॉ. निलीमा देशपांडे -हिरवे, कथक पाठशालेच्या संस्थापक नेहा मुथियान आदींची यावेळी प्रमुख उपस्थिती होती. श्वेता राजोपाध्ये, ऋचा ढेकणे यांनी निवेदन केले. भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत सादर झालेला हा २१८ वा कार्यक्रम होता.
- ब्रिटनमधील पोस्ट ऑफिस घोटाळा: सरकारी यंत्रणा आणि प्रशासनाचे गौडबंगाल भाग ४
- सामाजिक आव्हानांवर मात करण्यासाठी संतविचारच महत्त्वाचे; १५ सप्टेंबर रोजी रूई पाटी येथे ‘संत संमेलना’चे आयोजन
- देण्याचा आनंद मिळवून देणारे… देणे समाजाचे
- नागपुरात राज्यव्यापी अभ्युदय सेवा प्रदर्शन
- राजकारणातील महिलांसाठी कुटुंब ठरते शक्तीस्थान
