भारतीय विद्या भवन आणि इन्फोसिस फाऊंडेशनच्या सांस्कृतिक प्रसार उपक्रमांतर्गत ‘कथक पाठशाला’ आयोजित ‘संत गाथा’ (Sant Gatha) या कार्यक्रमाचे आयोजन करण्यात आले होते. संत काव्यावर आधारित शास्त्रीय नृत्यरचना यावेळी सादर करण्यात आल्या. ‘संत गाथा’ या कार्यक्रमात १६ नृत्य संस्थांनी आपले नृत्य सादरीकरण केले. संत साहित्यावर अतिशय नावीन्यपूर्ण रचना आणि नृत्यप्रकार सर्व कलाकारांनी सादर करून रसिकांची मने जिंकली. पुण्यात भारतीय विद्या भवनचे सरदार महादेव बळवंत नातू सभागृह येथे या कार्यक्रमाचे आयोजन करण्यात आले होते. रसिकांना तो विनामूल्य खुला होता.
भारतीय विद्या भवनचे मानद सचिव प्रा. नंदकुमार काकिर्डे, डॉ. निलीमा देशपांडे -हिरवे, कथक पाठशालेच्या संस्थापक नेहा मुथियान आदींची यावेळी प्रमुख उपस्थिती होती. श्वेता राजोपाध्ये, ऋचा ढेकणे यांनी निवेदन केले. भारतीय विद्या भवन आणि इन्फोसिस फाऊंडेशनच्या सांस्कृतिक प्रसार कार्यक्रमांतर्गत सादर झालेला हा २१८ वा कार्यक्रम होता.
- इतिहास केवळ स्मरणात न ठेवता तो आचरणात आणा; प्रधानमंत्री नरेंद्र मोदी यांचा ‘हिंद दी चादर’ समागमासाठी संदेश
- हिंद-दी-चादर : अमित शाह आणि देवेंद्र फडणवीस यांनी दिली लंगरसेवा; ८ भव्य लंगरमध्ये लाखो भाविकांची घेतला महाप्रसादाचा लाभ
- मानवतेच्या इतिहासातील गौरवशाली पर्व: गुरु तेग बहादूरजींच्या बलिदानाचा उपमुख्यमंत्री एकनाथ शिंदेंकडून गौरव
- “निर्भयतेचा विचार हाच खरा वारसा”; उपमुख्यमंत्री सुनेत्रा अजित पवार यांनी जागवल्या गुरु तेग बहादूरजींच्या स्मृती
- श्री गुरु तेग बहादूर साहिबजींच्या बलिदानाचा इतिहास आता पाठ्यपुस्तकात; मुख्यमंत्री देवेंद्र फडणवीस यांची मोठी घोषणा
