मुंबई महापालिका निवडणूक : आगामी बृहन्मुंबई महानगरपालिका (BMC) निवडणुकीच्या तोंडावर विरोधी पक्ष असलेल्या महाविकास आघाडीतील (MVA) मतभेद आता चव्हाट्यावर आले आहेत. मुंबई काँग्रेसने मनसेशी युती करण्यास स्पष्ट नकार दिल्याने महाविकास आघाडी मध्ये मोठा पेच निर्माण झाला आहे. दुसरीकडे, विकासाच्या मुद्द्यावर ठाम असलेली महायुती (Mahayuti) विजयाची रणनीती आखत आहे.
MVA मध्ये मनसेवरून मोठी फूट
शरद पवारांचा सल्ला: राष्ट्रवादी काँग्रेस (शरद पवार गट) चे प्रमुख शरद पवार यांनी काँग्रेस नेत्यांचे कान टोचले होते. “मतचोरीविरोधात सत्याचा मोर्चा एकत्रित काढता, मग महापालिका निवडणूक वेगळी का लढवता?” असा रोकडा सवाल त्यांनी केला होता.
काँग्रेसचा नकार: मात्र, काँग्रेसच्या नेत्या वर्षा गायकवाड यांनी मनसेवर टीका करत ‘कायदा हातात घेणाऱ्या’ पक्षासोबत न जाण्याचा सूर आळवला. त्यानंतर काँग्रेसने मुंबई महापालिकेसाठी ‘एकला चलो रे’चा नारा दिला आहे.
पेच: शरद पवार मनसेबाबत सकारात्मक असताना काँग्रेसने थेट नकार दिल्याने MVA केवळ सत्तेसाठी एकत्र येते, हे पुन्हा सिद्ध झाले आहे. मनसे नेते संदीप देशपांडे यांनीही मनसे हा MVA चा भाग नसल्याचे स्पष्ट केले आहे.
महायुतीचा स्पष्ट ‘विकास फॉर्म्युला’
एकीकडे महाविकास आघाडीतील नेते खुर्चीसाठी आणि जागावाटपासाठी भांडत असताना, महायुती (भाजप) ने मात्र आपली भूमिका स्पष्ट ठेवली आहे. मुख्यमंत्री देवेंद्र फडणवीस (CM Devendra Fadnavis) यांच्या नेतृत्वाखालील महायुती ही निवडणूक धर्म, जात किंवा व्यक्तीवर नाही, तर मुंबईतील नागरी समस्या जसे ट्रॅफिक, खराब रस्ते, शिक्षण आणि महापालिकेतील भ्रष्टाचार या मुद्द्यांवर लढणार आहे.
महायुतीचे ध्येय
महायुती ही विकासाच्या धोरणावर आणि पारदर्शक कारभारावर ठाम आहे. MVA मधील मतभेदांमुळे आणि काँग्रेसच्या ‘स्वबळा’च्या भूमिकेमुळे विरोधी पक्षांची ताकद विखुरली आहे, याचा थेट फायदा महायुतीला होणार आहे.
