मुंबई : उपमुख्यमंत्री अजित पवार यांच्या निधनामुळे राज्यात जाहीर करण्यात आलेल्या तीन दिवसांच्या शासकीय दुखवट्यामुळे राज्य निवडणूक आयोगाने १२ जिल्हा परिषदा आणि १२५ पंचायत समित्यांच्या निवडणूक कार्यक्रमात महत्त्वपूर्ण बदल केला आहे. आता ५ फेब्रुवारीऐवजी ७ फेब्रुवारी २०२६ रोजी मतदान पार पडणार आहे.
निवडणुकीचे सुधारित वेळापत्रक:
अजित पवारांच्या अपघाती निधनानंतर २८ ते ३० जानेवारी दरम्यान राज्यात दुखवटा पाळण्यात येत आहे. यामुळे प्रचाराच्या आणि मतदानाच्या नियोजित तारखा पुढे ढकलण्यात आल्या आहेत:
सुधारित मतदान दिनांक: ७ फेब्रुवारी २०२६ (सकाळी ७:३० ते सायंकाळी ५:३०)
प्रचार समाप्ती: ५ फेब्रुवारी २०२६ (रात्री १० वाजता)
मतमोजणी: ९ फेब्रुवारी २०२६ (सकाळी १० वाजता)
निकाल आणि आचारसंहिता: निकाल जाहीर होताच आचारसंहिता संपुष्टात येईल.
सर्वोच्च न्यायालयाची मुदत
निवडणूक आयोगाने स्पष्ट केले की, सर्वोच्च न्यायालयाने या निवडणुकांसाठी ३१ जानेवारीनंतर केवळ दोन आठवड्यांची मुदतवाढ दिली आहे. परंतु, राज्यातील विद्यमान परिस्थिती आणि दुखवटा लक्षात घेऊन हा दोन दिवसांचा बदल करण्यात आला आहे.
संबंधित जिल्ह्यांचे जिल्हाधिकारी ३१ जानेवारी २०२६ रोजी या सुधारित कार्यक्रमाची अधिकृत सूचना प्रसिद्ध करतील. उमेदवारी अर्ज भरण्याची आणि चिन्ह वाटपाची प्रक्रिया आधीच पूर्ण झाली असून, केवळ मतदान आणि मतमोजणीचे टप्पे आता नवीन तारखांनुसार होतील.
