स्थानिक उद्योजकता, ग्रामीण औद्योगिकीकरण आणि समुदाय-नेतृत्वाखालील प्रकल्प यांसारख्या तळागाळातील आर्थिक उपक्रमांमुळे दुर्लक्षित भागांमध्ये थेट रोजगार निर्माण होतात आणि उत्पन्नात वाढ होते. दरडोई उत्पन्न हा एक सरासरी आकडा असल्याने, तळागाळातील मोठ्या, अल्प-उत्पन्न गटांचे उत्पन्न वाढवणे हा राष्ट्रीय सरासरी वाढवण्याचा एक अत्यंत प्रभावी मार्ग आहे.
सीआयआय (CII) राष्ट्रीय सीएसआर (CSR) परिषदेत बोलताना माजी केंद्रीय मंत्री सुरेश प्रभू म्हणाले, “जेव्हा विकास होतो, तेव्हा तो प्रामुख्याने कृषी, उत्पादन आणि सेवा या तीन क्षेत्रांतून साधला जातो. यावेळी सेवा आणि उत्पादन या क्षेत्रांनीही चांगली प्रगती केली आहे. मात्र, केवळ सेवा क्षेत्रातील जीडीपी (GDP) वाढीवरून तळागाळात होणाऱ्या विकासाचे नेमके चित्र स्पष्ट होत नाही; म्हणूनच सीएसआर (CSR) उपक्रम हे तळागाळातील विकासावर केंद्रित असायला हवेत. सध्या पश्चिम आशियातील सुरू असलेले भू-राजकीय संकट आणि त्यामध्ये इराणमधील परिस्थिती , जागतिक अर्थव्यवस्थेपुढील अनेक आव्हाने, अशा प्रतिकूल परिस्थितीतही आपल्या जीडीपीमध्ये झालेली ही वाढ अत्यंत कौतुकास्पद आहे. या पार्श्वभूमीवर पाहता, ही कामगिरी खरोखरच वाखाणण्याजोगी आहे.”
सुरेश प्रभू म्हणतात, “जेव्हा तळागाळातील उपक्रम अधिक दरडोई उत्पन्न निर्माण करतील, तेव्हाच दरडोई उत्पन्न वाढेल. त्याचा परिणाम साखळी पद्धतीने होईल, तसेच एक सकारात्मक चक्र निर्माण होईल, ज्यामुळे अधिक मागणी आणि अधिक क्रयशक्ती निर्माण होऊन भविष्यातील विकासाला चालना मिळेल. हे एक अत्यंत शाश्वत मॉडेल असेल… दरडोई उत्पन्न वाढवणे हे प्राधान्य असले पाहिजे.”
