वर्ल्ड हिंदू काँग्रेस २०२६ साठी मुंबईत जगभरातील हिंदू नेतृत्व एकत्र येणार; परम पूजनीय सरसंघचालक डॉ. मोहन भागवत जी उद्घाटन सत्राला संबोधित करणार
मुंबई, ८ ऑक्टोबर: जगातील सर्वात मोठ्या हिंदू नेतृत्वाच्या मेळाव्याचे, वर्ल्ड हिंदू काँग्रेस (WHC) २०२६ चे, आयोजन यावर्षी मुंबईत करण्यात येणार आहे. तीन दिवसांचा हा कार्यक्रम १८, १९ आणि २० डिसेंबर २०२६ रोजी वांद्रे-कुर्ला कॉम्प्लेक्समधील जिओ वर्ल्ड कन्व्हेन्शन सेंटर येथे होईल.
या परिषदेत ६० हून अधिक देशांतील ४,००० हून अधिक प्रतिनिधी सहभागी होण्याची अपेक्षा आहे. यामध्ये हिंदू नेते, विचारवंत, उद्योजक, शिक्षणतज्ज्ञ, माध्यम प्रतिनिधी, व्यावसायिक तसेच विविध क्षेत्रे आणि संस्थांशी संबंधित प्रतिष्ठित व्यक्तिमत्त्वे एका व्यासपीठावर एकत्र येतील.
सरसंघचालक डॉ. मोहन भागवत जी वर्ल्ड हिंदू काँग्रेस २०२६ च्या उद्घाटन सत्राला संबोधित करतील. तीन दिवसांच्या या जागतिक मेळाव्यात ४५ हून अधिक सत्रे आणि १५० हून अधिक वक्ते असतील, ज्यामध्ये अर्थव्यवस्था, शिक्षण, माध्यमे, राजकारण, महिला, युवा आणि हिंदू संघटना यांसह विविध क्षेत्रांतील नेते आणि तज्ज्ञ सहभागी होतील.
आगामी वर्ल्ड हिंदू काँग्रेसबद्दल सांगताना, वर्ल्ड हिंदू काँग्रेसचे प्रवर्तक स्वामी विज्ञानानंद जी म्हणाले, “आज हिंदू समाज जगभरात पूर्वीपेक्षा कितीतरी अधिक दृश्यमान आणि सन्मानित आहे, परंतु ही विश्रांतीची वेळ नाही. वर्ल्ड हिंदू काँग्रेस ही अर्थव्यवस्था, शिक्षण, शैक्षणिक जगत, माध्यमे आणि राजकारण यांसारख्या प्रभावाच्या प्रमुख क्षेत्रांत हिंदूंना जागतिक स्तरावर प्रस्थापित करण्यासाठीची एक धोरणात्मक आणि संरचित चळवळ आहे. ही संघटना, कार्यकर्ते आणि व्यक्तींना समान बांधिलकी आणि सामूहिक संकल्पासह एकत्र येण्यासाठी, सहकार्य करण्यासाठी आणि योगदान देण्यासाठी व्यासपीठ उपलब्ध करून देते.” त्यांनी पुढे सांगितले की डब्ल्यूएचसी २०२६ मध्ये चार विशेष प्लेनरी सत्रे असतील – भाषा, समाज, विश्वकर्मा आणि धर्म.
धर्म प्लेनरीमध्ये भारत आणि जगाच्या विविध भागांतून विविध धार्मिक परंपरा (जसे हिंदू, बौद्ध, ताओ, शिंतो इत्यादी धर्म-दर्शन), संप्रदाय, आध्यात्मिक संस्था आणि तात्त्विक परंपरांचे प्रतिनिधित्व करणारे आध्यात्मिक नेते एकत्र येतील. ही प्लेनरी धर्माच्या विविध परंपरा, त्यांचे समकालीन महत्त्व तसेच विविध दृष्टिकोनांमधील संवाद आणि विचारविनिमयासाठी व्यासपीठ उपलब्ध करून देईल.
समाज प्लेनरी हिंदू समाजाच्या सामाजिक पैलूवर केंद्रित असेल आणि विविध समुदाय, परंपरा तसेच सामाजिक संस्थांमधील तज्ज्ञ व प्रतिनिधींना एकत्र आणून सामाजिक समरसता, सामुदायिक विकास आणि हिंदू समाजासमोरील आव्हाने यांवर विचारविनिमय करेल.
भाषा प्लेनरी हिंदू समाजाच्या समृद्ध भाषिक विविधतेवर प्रकाश टाकेल. यामध्ये भारत आणि जगभरातील हिंदू समुदायाकडून बोलल्या जाणाऱ्या विविध भाषांच्या, सभ्यताविषयक ज्ञान, साहित्य, परंपरा आणि सांस्कृतिक ओळख जतन करण्यातील महत्त्वपूर्ण भूमिकेला समोर आणले जाईल.
विश्वकर्मा प्लेनरी कौशल्य, कुशल मनुष्यबळ, उद्योजकता, नवोपक्रम तसेच आर्थिक आणि सामाजिक विकासात कारागीर, शिल्पकार आणि व्यावसायिकांच्या योगदानावर केंद्रित असेल. यामध्ये कुशल कामाची प्रतिष्ठा बळकट करण्याच्या आणि नव्या पिढीसाठी अधिक संधी निर्माण करण्याच्या उपायांवर विचारविनिमय केला जाईल.
वर्ल्ड हिंदू काँग्रेस २०२६ ची संकल्पना (थीम) आहे “समानं व्रतं सह चित्तम् – समान बांधिलकी, सामूहिक संकल्प”. हिंदू हा १.२ अब्जांहून अधिक लोकांचा जागतिक समुदाय आहे, जो जवळपास १८० देशांत राहतो. वर्ल्ड हिंदू काँग्रेस हे एकमेव जागतिक व्यासपीठ आहे जे हिंदू नेते, विचारवंत, कार्यकर्ते आणि संघटनांना एका छताखाली आणते. याचे आयोजन दर चार वर्षांतून एकदा होते; यापूर्वी वर्ल्ड हिंदू काँग्रेस नवी दिल्ली (२०१४), शिकागो (२०१८) आणि बँकॉक (२०२३) येथे आयोजित झाली होती.
याव्यतिरिक्त, स्वामीजींनी घोषणा केली की वर्ल्ड हिंदू काँग्रेस २०२६ अंतर्गत प्रथमच वर्ल्ड हिंदू एक्स्पोचेही आयोजन केले जात आहे. वर्ल्ड हिंदू एक्स्पोचा उद्देश व्यापार आणि वाणिज्याला गती देणे तसेच हिंदू समाजासाठी समृद्धी आणि आर्थिक विकासाच्या नव्या युगाला चालना देणे हा असेल.
सरकार, उद्योग, तंत्रज्ञान, माध्यमे आणि सांस्कृतिक क्षेत्रांतील प्रतिष्ठित नेत्यांनी वर्ल्ड हिंदू काँग्रेस २०२६ मधील आपल्या सहभागाची पुष्टी केली आहे. यामध्ये काही प्रमुख नावे पुढीलप्रमाणे आहेत:
परम पूजनीय सरसंघचालक डॉ. मोहन भागवत जी – राष्ट्रीय स्वयंसेवक संघ (आरएसएस)
श्री देवेंद्र फडणवीस जी – माननीय मुख्यमंत्री, महाराष्ट्र
श्री हिमंता बिस्वा सरमा जी – माननीय मुख्यमंत्री, आसाम
श्री मोहन यादव जी – माननीय मुख्यमंत्री, मध्य प्रदेश
श्री विशाल चतुर्वेदी जी – लेखक-दिग्दर्शक, हनुमान अंश
श्री मनोज मुंतशिर जी – गीतकार, पटकथा लेखक आणि कवी
श्री आशिष कुमार चौहान जी – व्यवस्थापकीय संचालक आणि सीईओ, नॅशनल स्टॉक एक्सचेंज ऑफ इंडिया (एनएसई)
सुश्री अश्विनी भिडे जी – महापालिका आयुक्त, बृहन्मुंबई महानगरपालिका (बीएमसी) आणि व्यवस्थापकीय संचालक, मुंबई मेट्रो रेल कॉर्पोरेशन
श्री घनश्याम प्रसाद जी – अध्यक्ष, केंद्रीय विद्युत प्राधिकरण (सीईए)
प्रा. अभय करंदीकर जी – सदस्य, नीती आयोग
श्री संजय चक्रवर्ती जी – उपाध्यक्ष आणि प्रमुख – कॉर्पोरेट सेंटर, एल अँड टी प्रिसिजन इंजिनिअरिंग अँड सिस्टीम्स
श्री संजीव सन्याल जी – सदस्य, पंतप्रधानांची आर्थिक सल्लागार परिषद (ईएसी-पीएम)
श्री श्रीनाथ रविचंद्रन जी – सह-संस्थापक आणि सीईओ, अग्निकुल कॉसमॉस
श्री सुमंत सिन्हा जी – संस्थापक, चेअरमन आणि सीईओ, रीन्यू
डॉ. विवेक राघवन जी – सह-संस्थापक, सर्वम एआय
सुश्री मल्लिका बजाज जी – सीईओ, बॅलिस्टिक लर्निंग सिस्टीम्स
प्रा. नवल प्रिंजा जी – संचालक, प्रिंजा अँड पार्टनर्स (यूके)
श्री शाश्वत गोएंका जी – व्हाइस चेअरमन, आरपी-संजीव गोएंका ग्रुप
श्री आर के मिश्रा जी – सह-संस्थापक, युलू बाईक
श्री अजय कुमार श्रीवास्तव जी – मॅनेजिंग डायरेक्टर आणि सीईओ, इंडियन ओव्हरसीज बँक
याव्यतिरिक्त आणखीही अनेक मोठ्या नावांचा सहभाग अपेक्षित आहे, ज्यांची घोषणा योग्य वेळी केली जाईल.
वर्ल्ड हिंदू काँग्रेस २०२६ हिंदू लीडर्स आणि संस्थांना एकमेकांशी जोडले जाण्यासाठी, विचारविनिमय करण्यासाठी, सहकार्य करण्यासाठी आणि विचारांच्या देवाणघेवाणीसाठी एक जागतिक व्यासपीठ उपलब्ध करून देईल. तसेच, हिंदू समाजाचे भविष्य आणि जगासाठीचे त्याचे योगदान यासंबंधीच्या शक्यतांवर विचार करत पुढील दिशा ठरवण्याची संधी देखील हे प्रदान करेल.
श्री अजय पिरामल हे वर्ल्ड हिंदू काँग्रेस २०२६ मुंबई आयोजन समितीचे चेअरमन आहेत, तर श्री विशद मफतलाल आणि श्री महेश भागचंदका हे व्हाइस चेअरमन आहेत.
प्रसारमाध्यम संपर्क: रवी शर्मा मोबाइल: +91 92609 61938, सुष्मिता सिंह मोबाइल: +91 96544 32361
संकलन : मोहक वेलणकर
