पॅरिस ऑलिम्पिक : पॅरिस ऑलिम्पिकमधून (Olympic Games Paris 2024) अपात्र ठरल्यानंतर पंतप्रधान नरेंद्र मोदी (PM Narendra Modi) यांनी भारतीय कुस्तीपटू विनेश फोगाटला (Vinesh Phogat) सोशल मीडियावर पोस्ट लिहीत प्रोत्साहन दिले आहे. पंतप्रधानांनी लिहिलं आहे कि, “विनेश, चॅम्पियन्समध्ये तू एक चॅम्पियन आहेस! तू भारताचा अभिमान आहेस आणि प्रत्येक भारतीयासाठी प्रेरणा आहेस. आज सगळ्यांनाच धक्का बसला आहे. मी अनुभवत असलेल्या निराशेची भावना शब्दांत व्यक्त करता येणार नाही. त्याच वेळी, मला माहित आहे की तुम्ही लवचिकतेचे प्रतीक आहात. आव्हाने स्वीकारणे हा तुझा नेहमीचाच स्वभाव राहिला आहे. आणखी मजबूत बाणीं परत ये. आम्ही सर्वजण तुझ्या पाठीशी आहोत.”
भारतातील अव्वल कुस्तीपटूंपैकी एक असलेल्या विनेश फोगटला पॅरिस ऑलिम्पिकमध्ये मंगळवारी उपांत्य फेरीत क्यूबाच्या युस्नेलिस गुझमान लोपेझचा 5-0 गुणांनी पराभव केला होता. विनेशच्या या कामगिरीने भारताचं स्पर्धेतील चौथं पदक निश्चित मानलं जात होतं. मात्र आता अंतिम सामन्यापूर्वी ती अपात्र घोषित झाल्याने सर्वांनाच मोठा धक्का बसला. तिच्या अपात्रतेमुळे तिच्या चाहत्यांना आणि समर्थकांना धक्का बसला, ज्यांना तिच्या खेळातील कामगिरीबद्दल खूप आशा होती.
- एआय चर्चेपुरते नको, बांधापर्यंत पोहोचवा!” मुख्यमंत्री देवेंद्र फडणवीस यांनी मांडले ‘महाॲग्री एआय’ मॉडेल
- एआय समिटच्या निमित्ताने पंतप्रधान मोदी मॉरिशसच्या पंतप्रधानांशी भेट; ‘एआय’ आणि सागरी सुरक्षेवर दिला भर
- मिशन वर्ल्डकप : भारताचा ‘सुपर ८’ मध्ये प्रवेश; पहिल्याच लढतीत दक्षिण आफ्रिकेचे तगडे आव्हान!
- भाजपच्या संघटन बांधणीला मिळणार नवी गती! महाराष्ट्रात ‘पंडित दीनदयाळ उपाध्याय प्रशिक्षण महाभियाना’चा दिमाखदार शुभारंभ
- चायना कटिंग कराचीचा सरकारी लँड जिहाद
