मुंबई : महाराष्ट्र राज्य परीक्षा परिषदेमार्फत घेण्यात येणाऱ्या प्राथमिक आणि उच्च प्राथमिक शिष्यवृत्ती परीक्षांसाठी अर्ज भरण्यास मुदतवाढ देण्यात आली आहे. आता विद्यार्थी आणि शाळांना १३ फेब्रुवारी २०२६ पर्यंत ऑनलाईन आवेदनपत्रे भरता येणार आहेत. परीक्षेचे आयोजन २६ एप्रिल २०२६ रोजी राज्यभर एकाच दिवशी करण्यात आले आहे.
सुधारित मुदतवाढ आणि शुल्काचा तपशील:
परीक्षा परिषदेच्या आयुक्त अनुराधा ओक यांनी दिलेल्या माहितीनुसार, शाळा नोंदणी आणि विद्यार्थी अर्ज भरण्यासाठी खालीलप्रमाणे मुदतवाढ देण्यात आली आहे:
नियमित शुल्कासह: १३ फेब्रुवारी २०२६ पर्यंत.
विलंब शुल्कासह: १४ ते २० फेब्रुवारी २०२६.
अतिविलंब शुल्कासह: २१ ते २४ फेब्रुवारी २०२६.
अति विशेष विलंब शुल्कासह: २५ ते २८ फेब्रुवारी २०२६.
२८ फेब्रुवारी २०२६ ही अंतिम मुदत असून, त्यानंतर कोणत्याही परिस्थितीत ऑनलाईन किंवा ऑफलाईन पद्धतीने अर्ज स्वीकारले जाणार नाहीत, असे परीक्षा परिषदेने स्पष्ट केले आहे.
परीक्षेचे स्वरूप:
इयत्ता ४ थी: प्राथमिक शिष्यवृत्ती परीक्षा.
इयत्ता ७ वी: उच्च प्राथमिक शिष्यवृत्ती परीक्षा.
दिनांक: २६ एप्रिल २०२६ (रविवार).
पालक आणि शिक्षकांनी या वाढीव मुदतीचा लाभ घेऊन तातडीने अर्ज प्रक्रिया पूर्ण करावी, असे आवाहन करण्यात आले आहे.
